تلاش

کسے تلاش کروں خود کو ڈھونڈتا ہونمیں

طلسمِ ہستیء باطل میں کھوگیا ہوں میں

تلاش

فریبِ ہستیء دل پر مٹا ہوا ہونمیں خود اپنی موت کا سامان کررہا ہوں میں

کسے تلاش کروں خود کو ڈھونڈتا ہونمیں

طلسمِ ہستیء باطل میں کھوگیا ہوں میں

بگڑچکا ہوں کئی بار، جب بنا ہوںمیں

عجیب پیکرِ نیرنگ کبریا ۔۔ ہوں میں

یہی تلاطمِ دریا میں سوچتاہونمیں

کوئی ہے اور کہ کشتی کا ناخدا ہوں میں

گمان اپنا ہو، ان آئینہ *رخونپہ کیوں

کہ انمیں اپنی ہی تصویر دیکھتا ہوں میں

دکھائی دیتی ہے تصویر مرگِ مستقبل

کہ یادِ عہد گزشتہ بھلارہا ہوں میں

نہ ذوقِ عشرتِ دنیا، نہ رنجِ ناکامی

امّید و ببِم کی کی حد سے گزرگیا ہوں میں

نفس نفس وہ ہستی میں حدِ فاصل ہے

کہ کاروان سے ہر دم بچھڑ رہا ہوں مِں

اسی سے کیجیے اندازہء کمالِ شہود

وہ خودنما جو نہیں ہے، تو خود نما ہوں میں

ادا شناسِ ظلوم جہول کے صدقے

وہ راہزن ہوں کہ خود اپنا رہنما ہونمیں

ملا کے خاک میں اک پر غرور ہستی کو

نیاز عشق کے قابل بنا رہا ہوں میں

بتادے بیخودیء شوق تو ذرااسکو، مجکو

صدا یہ آتی ہے کس سمت سے خداہونمیں؟

ہر ایک لمحہء ہستی میں سو تغیّر ہیں

بدل رہا ہے زمانہ، بدل رہا ہوں میں

کہاں دل اور کہاں آرزوئے نو ہردم

کسیکی چشم عنایت کو دیکھتا ہونمیں

یہ جانتا ہوں کہ کم حوصلہ نہیں اتنا

کڑی جو پڑتی ہے، مجھ پر وہ سَہ رہا ہونمیں

کہوں علائق دنیا کا حال کیا تمسے

ابھی حقائقِ اشیا کو ڈھونڈتا ہونمیں

رہینِ منّتِ احسان چارہ گر نہ رہا

کہ اپنے درد کی دنیا میں خود دوا ہونمیں

الہٰی معذرتِ جرم بھی عجب شے ہے

کہ جوش پر تری رحمت کو دیکھتا ہونمیں

خدا کی ذات تو ہر عجز سے مُبرّا ہے

یہ بندگی کی ہے خوکیا، اگر خداہونمیں

نوائے سازِ نفس، اور یہ پیامِ حیات

نہین سنا جو کسی نے، وہ سن رہاہونمیں

نہیں ہے سعی مری وجہ خندہء تقدیر

جہاں میں معتقد، جہد للبقا ہونمیں

دلِ اسیر کی مجبوریاں، معاذاللہ

کہ پوچھتا ہے کوئی، اور کہہ رہا ہونمیں

ہیں جلوے نظم دوعالم کے میری فطرت میں

کہ شرح ظاہر اسرار انّما ہونمیں

مری فنا نہیں ممنونِ التفاتِ بقا

قتیلِ خنجر اقرار لاالہٰ ہوںمیں

نوائے راز کی پوچھو نہ کچھ اہمیّت

سنا رہا ہے کوئی، اور سن رہا ہونمیں

مصور اپنی حقیقت کا پتہ نہیں کیا مجکو؟

فریبِ خوردہء نیرنگئی انا ہونمیں

 رخونپہ = رخوں پہ* 

HomePage ہوم پیج مخزن غزلیات: سرورق