کاروانِ خیال

کوئی جلووں میں اپنے جذب کرلے

حصار لامکاں ہے اور میں ہوں

کاروانِ خیال

غم فصل خزاں ہے اور میں ہوں

بہارِ گلستاں ہے اور میں ہوں

یہ نیرنگ جہاں ہے اور میں ہوں

بطرز نو فغاں ہے اور میں ہوں

خجل میری زباں ہے اور میں ہوں

یہ کسکی داستاں ہے اور میں ہوں

مری ہستی کا حاصل کچھ نہ پوچھو

غم عمرِ رواں ہے اور میں ہوں

کسیکا حال کیا تمکو سنائوں

خود اپنی داستاں ہوں اور میں ہوں

کوئی محرم نہیں اپنا جہاںمیں

خیالِ رازدان ہے اور میں ہوں

نہیں اظہار سے مطلب ہی ایدال

مرا دردِ نہاں ہے اور میں ہوں

تصور میں بھی یہ خودداریاں ہیں

کہ خود اپنا گماں ہے اور میں ہوں

مری بربادیان مجھ سے نہ پوچھو

چمن میں آشیاں ہے، اور میں ہوں

شریک خستگاں تھا کون ایدل

غبارِ کارواں ہے اور میں ہوں

کہاں جانا ہے، آیا ہوں کہاں سے

یہی ہردم گماں اور میں ہوں

مجھے تُو خاک تو ہونے دے ہمدم عروجِ آشیاں ہے اور میں ہوں

ترا احساں ہے مجھ پر اے غم دوست

نشاطِ دو جہاں ہے اور میں ہوں

یہ سر قابل ہے اسکے، سوچتا ہوں

کہ اب اسکا آستاں ہے اور میں ہوں

نگاہیں ہیں زمانے کی روش پر

فریب جانستاں ہے اور میں ہوں

علو یہ خاکساری کا تو دیکھو*

فرازِ آسماں ہے اور میں ہوں

نفس میں یاد کرتا ہوں کسکو

نسیمِ جاوداں ہے اور میں ہوں

بدل دے دل کی کیفیت الہٰی

حصول رائیگاں ہے اور میں ہوں

کوئی جلووں میں اپنے جذب کرلے

حصار لامکاں ہے اور میں ہوں

سناتا ہے نوائے راز کوئی

پیامِ **دلِسِتاں ہے اور میں ہوں

مٹا جاتا ہوں ہستی سے مصور

تلاش بے نشاں ہے اور میں ہوں

آسان اردو – جستجو میڈیا

عُلُو= بلندی*

دلِ سِتاں - دلربا**

HomePage ہوم پیج مخزن غزلیات: سرورق