درسِ ارتقاء

شیوہء عجز تا کجا، کفر کے التفات پر

توڑ قیودِ بندگی، مالک و تاجدار بن

درسِ ارتقاء*

پیکرِ نور کبریا مسلم وحدت آشنا

ظلمت کفر کو مٹا، دین کا پاسدار بن

دلمیں اگر ہے ہر گھڑی، عزم سکونِ سرمدی

جادہء جبر ہی پہ تو منزلِ اختیار بن

کر نہ کسی پہ تو عیاں، عالم کیفِ جاوداں

حسن کا پردہ دار ہو، عشق کا رازدار بن

پھونکدے اسکو، پھونکدے، جو بھی سوائے دوست ہے

اپنے ہی سوزِ قلب کا نغمہء ساز گار بن

عزم بلند و پست سے ذوقِ ادائے مست سے

دامنِ کوہسار میں مستیءآبشار بن

غنچہء آرزو کھلا، عشق کو خونِ دل پلا

خوئے نسیمِ باغ ہو، رنگِ رُخِ بہار بن

تجھکو مٹا بھی دے، اگر گردشِ چرخ غم نکر

دیدہء روزگار میں سرمہء اعتبار بن

فصلِ بہار کیطرح، شمع مزار کی طرح

اپنا ہی غمگسار ہو، اپنا ہی سوگوار بن

فصلِ خزاں کے غم میں، تو روتا ہے کس لیے لہو

گلشنِ کائنات میں حاملِ صد بہار بن

خاک ہوا تو کیا ہوا، محوِ حدودِ ماسوا

رہکے تَعُیّنات میں اپنا ہی خود حصار بن

تَو جو نہیں، نہیں سہی وجہ نشاطِ زندگی

ہستی بے ثبات میں عبرتِ پائیدار بن

تجھ میں ہے گر صلاحیّتِ محو سرورِ معرفت

ساغرِ زندگی تو بادہء بے خمار بن

تارِ نفس کو توڑ دے، دل اسی سمت موڑ دے

شیوہ ء نبندگی سے تو بندہء کردگار بن

موت کو زندگی سمجھ، مٹنے کو بندگی سمجھ

صفحہء کائنات پر حاصلِ یادگار بن

شیوہء عجز تا کجا، کفر کے التفات پر

توڑ قیودِ بندگی، مالک و تاجدار بن

محوِ نیاز تابکے، مائل کبر و تاز ہو

اپنی ہی قدر جان کچھ، دہر میں سرفراز ہو

بن زمانہِ کی نگاہونمیں نہ عبرت کا سبب

دیکھ اپنی سعی ء لاحاصل کو تو حاصل نہو

ورنہ اکدن تیری ہستی دہر سے مٹ جائیگی

غیر کی قسمت ضیائے علم سے چمکائیگی

اس کلام کا عنوان خود مصور صاحب کا تجویز کردہ ہے*

واقفِ راز

واقفِ راز

واقفِ رازِ حدود *رہ امکاں ہوکر

تک رہی ہے مرا منہ عقل بھی حیراں ہوکر

جاگزیں دل میں ہیں اب آنکھ سے پنہاں ہوکر

ہم رہے بعد فنا داغِ عزیزاں ہوکر

یادگار شب غم بھی نرہی وقتِ سحر شمع گُل ہوگئی افسانہء ہجراں ہوکر

نفس تازہ ہے اس کے لیے پیغام اجل

ہر گھڑی آتی ہے محرومیء انساں ہوکر

یادِ ایّامِ گزشتہ ہے یہ تجھ سے امّید

کبھِی آتا تو مری موت کا عنواں ہوکر

مٹ گیا ہائے وہ احساس بھی دلکا یارب

اب کہیں کا نرہا، قابلِ درماں ہوکر

کیا مٹایا جو زمانہ نے مٹایا ہمکو

لوحِ عالم پہ نمایاں رہے پنہاں ہوکر

کبھی اڑتی نظر آئیگی مری خاکِ لحد

ایک افسانہء نیرنگیء دوراں ہوکر

کم نگاہی سے سمجھتا ہے فلک پست مجھے

ہوں سرِ عرش غبار رہ امکاں ہوکر

آسان اردو – جستجو میڈیا

عالَمِ اِمْکان، رہ امکاں(اسم) راس:عالَمِ اِمْکان* کائنات ۔ ۔ ۔

Last 100 International Guests گزشتہ 100 بین الاقوامی مہمان

گوشہ گیر

میں مصور یوں محیطِ دہر ہوں گوشہ گیری نے مجھے عنقا کیا

گوشہ گیر

یہ علوئے آفرینش اور میں سوچتا ہوں کیوں مجھے پیدا کیا

صورتِ آئینہ تھے ذرّات دل اِن میں کچھ اندازہء صحرا کیا

اُس میں پنہاں تھا سکون زندگی دل نے تڑپایا تو میں تڑپا کیا

ٹوٹتے ساغر کو دیکھا خود بخود جب خیالِ حرُمتِ صہبا کیا

وہ ادائے فرض کی تمہید تھی میں نے وعدہ بھی اگر ایفا کیا

کارفرما روح ہر ذرّے میں تھی مین نے جب رازِ حیات افشا کیا

روح کی وہ حُرّیت اب کیا ہوئی ہم نے جنس بے بہا کو کیا کیا

جادہء ملک عدم کو بھی یہاں میں حصارِ عافیت سمجھا کیا

دامنِ رحمت کی وسعت دیکھکر کائناتِ دل کو میں دیکھا کیا

میں مصور یوں محیطِ دہر ہوں گوشہ گیری نے مجھے عنقا کیا

آسان اردو – جستجو میڈیا

صَہْبا[صَہ (فتحہ ص مجہول) + با]عربی اسم  نکرہ -  مؤنث - واحد    شرابِ سرخ نیز انگور سفید کی شراب؛ مطلق شراب۔

عَنْقا[عَن + قا]-عربی لمبی گردن والا، ایک فرضی افسانوی پرندہ، بعض کے نزدیک سیمرغ۔

دَہْر-دَہْر دنیا، کائنات۔

حُرْمَت[حُر + مَت]-عربی عزت آبرو، بڑائی، عظمت، پاکیزگی۔

آفْرِینِش[آف + ری + نِش]-فارسی دنیا،کائنات، جو کچھ خدا نے خلق کیا۔ پیدائش، تخلیق، پیدا ہونا، عدم سے وجود میں آنا۔

گوشَہ گِیر(صفت) راس:گوشَہ گِیر تنہائی میں رہنے والا، خلوت نشیں، سب سے الگ رہنے والا، تارک الدنیا۔ ۔ ۔ ۔

شاعر کا اپنے ضمیر سے خطاب

کیا غیر حق روا ہے سجدہ کسی کے آگے اے بندہء محبت تجھ میں وفا کی بو ہے

شاعر کا اپنے ضمیر سے خطاب

اے شاہدِ سخن کے دلدار اے مصوّر مانا کہ خود سخن کو تیری ہی آرزو ہے

نقدِ سخن کا سکہ رائج ترا جہاں میں اقلیم شاعری کا گوتاجدار تو ہے

جادو بیاں بھی ہے تو معجز بیاں بھی ہے تو مردوں کو زندہ کردے وہ تیری گفتگو ہے

لیکن بتا جہاں میں یوں سرخرو ہے کوئی مضمر تری غزل میں اک قوم کا لہو ہے

اچھا ہے یا بُرا ہے، اپنے ضمیر سے پوچھ نقشہ جو زندگی کا آنکھوں کے روبرو ہے

کل تک تلاشِ حق میں تو محوِ جستجو تھا باطل فروز ابتو ہر دل کی آرزو ہے

تو چاہتا نہیں گر ایمان کی تباہی کافر نظر بتوں کی کیوں تجھکو جستجو ہے

ظاہر میں دیرہا ہے تجھکو فریبِ زینت غازے کی شکل میں پنہاں ہے ترا لہو

یہ بھی فریبِ رنگیں غافل ہے گلستاں کا پھولوں سے تجھکو ہر دم امید رنگ و بو ہے

مرنے سے ڈررہاہے، مرتا ہے زندگی پر کیا خاک زندگی ہے کیا خاک آبروہے

کیا غیر حق روا ہے سجدہ کسی کے آگے اے بندہء محبت تجھ میں وفا کی بو ہے

دنیا بدل رہی ہے عالم بدل رہا ہے افسوس تو ہی ابتک محو غزل رہا ہے

نوٹ: اس کلام کا عنوان خود صاحب کلام نے تجویز کیا ہے۔

عالمِ اسلام کو مصور کا پیام

عالمِ اسلام کو مصور کا پیام

ایک تو دہر میں ہے، حامل انوارِ خدا

ظلمتِ کفر ہے کیا چیز، درخشاں ہوجا

مشکلیں حل ہوئی جاتی ہیں، پریشاں کیوں ہے

کوئی دم کیلیے آسودہء حرماں ہوجا

مقتل حق کی کہتی ہے ادائے رنگیں

کثرت زخم سے ہمرنگ گلستاں ہوجا

اپنے افراد میں کر خون اخوت پیدا

تفرقہ چھوڑدے، اب مرکز اخواں ہوجا

اس سنورنے میں ترے، قوم کی بربادی ہے

شوقِ جمعیتِ دل ہے، تو پریشاں ہوجا

خون کا قطرہ آخر بھی نثارِ حق ہو

صفحہء دھر پہ رنگینیء عنواں ہوجا

شور فریاد نکر، شکوہء بیداد نہ کر

تو ہی خود ملت بیکس کا نگہباں ہوجا

چشمِ عالم میں نمایاں ہو بصیرت بنکر

ملکے تو خاک میں یوں سرمہء امکاں ہوجا

وجہء تسکین جگر ہے، تیری بیتابیء دل

شدّت درد سے کیفیتِ درماں ہوجا

پردہ پوشی کو تری رحمت مضطر ہے

تو خدا کیلیے شرمندہء عصیاں ہوجا

اہلِ عالم کیلیے آیہء رحمت ہے تو

تشنہ کاموں کیلیے بارشِ احساں ہوجا

کیا نہیں قوتِ حق خون میں تیرے مضمر

اپنی فطرت کے حجابوں سے تمایاں ہوجا

تیرے دامن پہ ہو کونین کی وسعت صدقے

یوں حریفِ گلہء تنگیء داماں ہوجا

سرد کردے نہ کہیں تجھکو، ہوائے یورپ

گرم اتنا ہو کہ اک مہرِ درخشاں ہوجا

پرتوء حق سے مٹے ظلمت باطل یکسر

مطلع کفر سے اس طرح نمایاں ہوجا

تجھ  میں ایمان کی قوت ہے ابھی تک باقی

جو محالات پہ چھاجائے وہ امکاں ہوجا

مادّیت  کیطرف ایلِ جہاں ہیں مائل

فرض تیرا ہے کہ تو بندہء یزداں ہوجا

عزمِ یورپ ہے کہ ہستی سے مٹادے تجکو

تو مگر وضع محمد ہی پہ قربان ہوجا

غلبہء کفر ہو ایماں پہ، کہیں ممکن ہے

تو مسلماں جو نہیں ہے، تو مسلماں ہوجا

کہتے ہیں تیرے مخالف کہ ہے تو محوِ جمود

تجھ میں غیرت ہے تو اب گردشِ دوراں ہوجا

ہاں تیری غیرت اسلام یہی کہتی ہے

تو نمایاں نہیں عالم میں تو پنہاں ہوجا

جادہء عقل پہ چل ، وادیء وحشت سے نکل

تجھ پہ انساں بھی کریں فخر، وہ انساں ہوجا

جانتا ہے ترے احساس کی دنیا کیا ہے

درد بنکر رخ ہستی سے تمایاں ہوجا

سروساماں سے نکر غیرت حق کو رسوا

تجھکو لازم ہے کہ تو بے سروساماں ہوجا

سطح گیتی سے عیاں منظر مستقبل ہے

فتح کو تیرے ہی قدموں کا شرف حاصل ہے

کیے ہوئے: نستعلیق

اس غزل کے یونی کوڈ ورژن کے لیے یہاں کلک کریں

کوئی

ہائے کیا جانے کیا ہے شانِ کرم جب نہ ایدل خطا کرے کوئی کوئی

جب نہ دل کا کہا کرے کوئی

پھر کہو تم کہ کیا کرے کوئی

حَرفِ مطلب ادا کرے کوئی

وہ خفا ہوں تو کیا کرے کوئی

ستم  نا روا کرے کوئی

ہائے اسپر وفا کرے کوئی

ہیں سبھی اپنے اپنے مطلب کے

اپنے مطلب کو کیا کرے کوئی

دل ہی اپنا جب آشنا *نرہا

کسکو اب آشنا کرے کوئی

مٹگئے اسکی آرزو میں بہت

حسرتِ زیست کیا کرے کوئی

دردِ     دل کا علاج ہوتا ہے

چارہ  گر کی دوا کرے کوئی

پہلے اپنا ہو درپے آزار

پھر کسی کا برا کرے کوئی

یہ     بتا دو وہ کیا کہے تم سے

تم سے جب التجا کرے کوئی

ہائے کیا جانے کیا ہے شانِ کرم

جب نہ ایدل خطا کرے کوئی

آئینہ کی جِلا ہوئی تو کیا

اپنے دل کی جلا کرے کوئی

نظر آئے حقیقتِ عالم

چشم بینا تو وا کرے کوئی

رُوئے عالم پہ اف یہ عالمِ یاس

کیا کسی کا گلہ کرے کوئی

کیا صلہ اسکا اے *خد نگِ  ستم

عمر بھر گر وفا کرے کوئی

غم ہستیء چند روزہ میں

مر نہ جائے تو کیا کرے کوئی

شکر اس کائنات کے رب کا

کس زباں سے ادا کرے کوئی

اسکی پروا نہیں مصور کو

دشمن جاں ہوا کرے کوئی

آسان اردو-جستجو میڈیا

نرہا = نہ رہا *

خَدَنْگ[خَدَنْگ (نون مغنونہ)]-فارسی *

اسم  نکرہ ایک درخت کا نام جس کی لکڑی بہت سخت ہوتی ہے اس سے تیر کی نَے اور گھوڑے کی زین تیار کرتے ہیں، ایک قسم کا چھوٹا تیر۔