عندلیب

ہرنغمہ سنج زمزمہ پیرا ہو شوق سے

نالے تو باغ میں نہیں شایانِ عندلیب

عندلیب

فصل بہار لالہ وگل یا نسیم ہو

دوتین چار ہیں یہی یارانِ عندلیب

ہنس بول لے گلوں سے دودنکی بہار ہے

پھر ہے وہی خزاں، وہی پھر جانِ عندلیب

اک یہ بھی انقلاب کا لیل ونہارہے

کل آشیاں تھا، آج ہے ایوانِ عندلیب

ہرنغمہ سنج زمزمہ پیرا ہو شوق سے

نالے تو باغ میں نہیں شایانِ عندلیب

گل سے ملے کہ باد صباکو گلےلگائے

سوحسرتیں ہیں اور ہے اک جان عندلیب

نغمے نہیں تو نالوں سے آباد ہے چمن

کچھ کم نہیں خزاں میں بھی سامانِ عندلیب

اُس رشک گل کے ملنے سے اب یاس ہوگئی

نذرِ خزاں ہے گلشنِ ایمان عندلیب

آتے ہی فصلِ گل نے توبرسائے پھول ہی

ہے میزباں نواز یہ مہمانِ عندلیب

ہم پھول بھی چمن میں کبھی توڑتے نہیں

ڈرتے ہیں اسمیں ہو نہ کہیں جانِ عندلیب

نکلی نہیں ہے گل سے مصوّر یہ بوئے گل

پرواز کرگئی ہے، مگر جانِ عندلیب