نگاہ مست

نگاہِ مست سے یوں اسنے کردیا بیخود

عیاں کسی پہ نہ ہستی کا راز ہوجائے

نگاہ مست

اگر انکشافِ نورہائے راز ہوجائے

خموش ابھی مری ہستی کا ساز ہوجائے

سیاہ کار جو محوِ نیاز ہوجائے

ابھی مجازِ حقیقت فراز ہوجائے

رہِ خرد میں اگر کام ہے نگاہوں سے

حقیقتوں سے نمایاں مجاز ہوجائے

نگاہِ مست سے یوں اسنے کردیا بیخود

عیاں کسی پہ نہ ہستی کا راز ہوجائے

نفس کی آمد و شد کا یہی تقاضا ہے

نہ قطع سلسلہء سوزوساز ہوجائے

اگرہو سرّ حقیقت عیاں توکیونکرہو

جو منہ سے نکلے وہی بات راز ہوجائے

نیاز کیوں نہ *نرہے تجھکو ذاتِ واحد سے

کہ دوجہان سے تو بے نیاز ہوجائے

جو دیکھیں جلوہء گل چشم حق نما سے ہم

عیاں حقیقتِ رنگِ مجازہوجائے

سمجھ رہا ہوں کہ ہستی کا منتہایہ ہے

ملے جو خاک میں دل، سرفراز ہوجائے

اگر ہے ڈر تو یہ ڈر ہے، رہِ محبّت میں

نہ امتیاز نشیب و فراز ہوجائے

فضا تمام ہے لبریز نورِ وحدت سے

نظر وہ کیا کہ جسے امتیاز ہوجائے

امیرِ ملکِ معانی کو جانتا ہوں میں

کہیں یہ بات مصور نہ راز ہوجائے آسان اردو-جستجو میڈیا نرہے = نہ رہے*