سوئے فلک

زمانہ خوش ہے مرے گریہء محبّت پر

نشاط دہر، مری چشمِ اشکبار میں ہے

سُوئے فلک

جمال دوست مری چشم انتظار میں ہے

گل مراد مرا دامنِ بہار میں ہے

قرار زیست مرے قلب بے قرار میں ہے

ابھی تو جبر بھی خود میرے اختیار میں ہے

ندامتوں کی جھلک چشم اشکبار میں ہے

نویدِ عفو مرے جرم بے شمار میں ہے

اٹھا ہوں مٹکے تری راہ میں زمانہ سے

کہ سرفرازیء عالم مرے غبار میں ہے

امنگیں دلکی مرے اور بڑھتی جاتی ہیں

کہ زندگی کا مزہ مرگِ انتظار میں ہے

تجھے خبر نہیں اے تاج و تخت کے مالک

نہاں غرور تری شانِ انکسار میں ہے

یہ بیکلی یہ اداسی یہ گریہ تا بکجا

نویدِ وصل بھی آغوشِ انتظار میں ہے

شکایتوں میں بھی اکِ شانِ شکر ہے پیدا

عجب لطف ستمہائے روزگار میں ہے

عبث ہے شکوہ مجبوریء وفا اے دل

وہ کررہا ہوں جو کچھ میرے اختیار میں ہے

خزاں کا ڈر، ستمِ برق، خدشہء صیّاد

اسی بہار میں بلبل، اسی بہار میں ہے

نویدِ فتح قدم اُسکے چوم لے بڑھکر

وہ شہسوار جو میدان کارزارمیں ہے

زمانہ خوش ہے مرے گریہء محبّت پر

نشاط دہر، مری چشمِ اشکبار میں ہے

چلی ہے سوئے فلک، خاک مٹنے والوں کی

عروجِ ہستیء فانی اسی غبار میں ہے

مصور آپ نہ حدِ وفا سے بڑھ جانا

نظام دہر مقید اسی حصار میں ہے