جادہء وفا

چل جادہء وفا پر ۔۔۔ راضی ہوتا مصور

وہ جانِ کارواں بھی، سالارِ کارواں بھی

جادہء وفا

انکو سنا سکے گا کب اپنا قصہ خواں بھی

آغازِ داستاں بھی، انجامِ داستاں بھِی

وہ دیکھ آرہا ہے *کھینچ کر وطن بھی ایدل

سوئے وطن چلی ہے خود گرَدِ کارواں بھی

یہ کیا تیری ہستی ننگِ حیات ہے اب

تیرے وجود سے تھی تکمیلِ دوجہاں بھی

گلشن کی ہم فضا سے اب آشنا ہوئے ہیں

کرلیں گے شاخِ گل پر تعمیر آشیاں بھی

پھولوں پہ ہنس رہی ہے، شبنم پہ رورہی ہے

تدبیرِ باغباں بھی، تقدیرِ باغباں بھی

نیرنگیء جہاں سے کیونکر اماں ملیگی

پہلو میں اپنے دل ہے غمگیں بھِی، شادماں بھِی

خود اس جہانِ غم میں ایدل ہستی ہے تیری ہستی

پابند *این و آن بھِی، آزاد این و آں بھِی

پیشِ نظر ہے ایدل، تصویرِ کامرانی

دم بھر میں ہے عیاں بھی، دم بھر میں ہے نہاں بھی

بارِ کرم سے انکی گردن جھکی ہوئی ہے

کچھ کم نہیں گلوں پر احسانِ باغباں بھی

اے قلبِ صاف صدقے، تیری صفائیوں کے

اب مجھ پہ آئینہ ہیں، حالاتِ لامکاں بھی

افسردگی وطن کی، آنکھونمیں پھر رہی ہے

بارِ گراں ہے دلپر اب سیرِ گلستاں بھی

گلشن ہورہی ہے دوتنکوں کی بدولت

تعمیرِ آشیاں بھی، تخریبِ آشیاں بھی

اک چشم مِہر پر ہے، اک چشم قہَر پر ہے

آبادیء جہاں بھی، بربادیء جہاں بھی

بہلائے دل ہمارا، جودل کی کاوشونمیں

ملجائے ہمکو یارب، وہ قلب شادماں بھِی

چل جادہء وفا پر ۔۔۔ راضی ہوتا مصور

وہ جانِ کارواں بھی، سالارِ کارواں بھی

آسان اردو-جستجو میڈیا

اِین وآں[ای + و (مجہول) + آں]

اسم  نکرہ  ہر کس و ناکس، متفرق اشخاص یا اشیا۔

کھینچ کر=کھنچ کر*

مِہْر(اسم، صفت) راس:مِہْر پابندی، بندش، ممانعت؛ (مجازاً) خاموشی۔ ۔سورج، شمس ۔ ۔ قَہْر[قَہْر فتحہ ق مجہول]-عربی آفت، قیامت، شامت، مصیبت۔ جادَہ [جا + دَہ] (عربی) اسم  نکرہ (  مذکر - واحد  )    . باریک (کم چوڑا) راستہ جو جنگل میں لوگوں کی آمد و رفت سے بن جاتا ہے، بٹیا، پگ ڈنڈی۔ . طریقہ، رسم، رواج، دستور، ریت۔