یادِ رفتگاں

ترے انتظار کی وہ نہیں تاب لاسکی جب

نکل آئی روح آخر، مرے جسمِ ناتواں سے

یادِ رفتگاں

میں ترا ہوں، یا الہیٰ، مجھے کیا غرض جہانسے

کہ یہ سرفرازیاں ملیں مجھے تیرے آستانسے

ہوئے محوِ جستجو ہم، یہی کہہ کے کارواں سے

جو نشاں ملیگا ہمکو، تو ملینگے بے نشاں سے

جو کسی نے مجھ سے پوچھا، کہ ہے تیراحال کیا

نکل آئے اشکِ حسرت، مری چشمِ خونفشاں سے

مرے بعد بھی سنینگے مرے غم کی داستاں سب

کہ بنیگا آسماں اک مرے نالہ و فغاں سے

یہ مجال کیا پھریں ہم، کبھی حکم سے تمہارے

کہو توڑ لائیں تارے، ابھی جاکے آسماں سے

یہ شگفتہ خاطری ہے، یہ فسردہ خاطری ہے

کبھِی آمدِ خزاں سے، کبھی رخصتِ خزاں سے

یہ نفس کی آمد و شد، یہ رواروی کا عالم

کبھی چین ہمنے پاہا، نہ خیالِ رفتگاں سے

ترے انتظار کی وہ نہیں تاب لاسکی جب

نکل آئی روح آخر، مرے جسمِ ناتواں سے

نظر اپنی فصلِ گل میں جو مآل پر تھِی بلبل

رہے اک نفس بھی غافل، نہ خیال رفتگاں سے

ہے نفس کا *بُعد غافل، رہ ہستی و عدم میں

ابھی آئے ہیں یہاں ہم، ابھِی جائینگے یہاں سے

یہ سمجھ گئے جب آئی ہمیں یاد رفتگاں کی

وہ نہ آئینگے کبھی پھر، جو گزرگئے جہاں سے

کبھی اے ہجوم حسرت، وہ شریکِ کارواں تھا

جو لپٹ کے رورہا ہے، ابھی گَردِ کارواں سے

وہ رموز حسرتِ دل، جو کوئی نہ جانتا تھا

وہ سمجھ گئے مصور، مری حسرت بیاں سے

آسان اردو – جستجو میڈِیا

بعد= فاصلہ*