تزئینِ لوح جہاں

جہاں کل چرخ سے بجلی گری تھی

وہاں اب آشیاں ہی آشیاں ہے

تزئین لوحِ جہاں

مزیّن جس سے یوں لوحِ جہاں ہے

وہ میری زندگیء رائیگاں ہے

مدد اے ضبط، وقتِ امتحاں ہے

کہ اب رونا بہِ اندازِ فغاں ہے

کسیکا کوئی محرم ہی کہاں ہے

توہم اک وجودِ رازداں ہے

ابھی کوئی نہیں ہے سننے والا

زبانِ دل پہ دل کی داستاں ہے

جہاں کل چرخ سے بجلی گری تھی

وہاں اب آشیاں ہی آشیاں ہے

ہے مجھ میں جلوہء انوارِ وحدت

صدا ہے جو مری، بانگی اذاں ہے

خطائے غیر پر بھی ہو جو نادم

وہی دل حاصلِ کون و مکاں ہے

امیدیں قطع ہوسکتی ہیں کیونکر

ابھی “لاتقنطوا” وردِ زباں ہے

ذرا خاموش قبروں کو بھی دیکھے

مرا ہنگامہ آرا دل کہاں ہے

جستجو میڈیا ریفرنس بِسْمِ اللّهِ الرَّحْمَنِ الرَّحِيمِ * قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ "Say O my Servants who have transgressed against their souls! Despair not of the Mercy of Allah: for Allah forgives all sins: for He is Oft-Forgiving, Most Merciful." [Az-Zumar, 39:53]