کسکو اب محرم بنائوں کسکو سمجھوں رازداں |
یوں تو سب معلوم ہوتے ہیں مجھے ہمراز سے |
خاکی اک زمانہ ہے کہ غافل ہے مری آواز سے | ||
| ہورہا ہوں منفعل یا رب نوائے راز سے | ||
| | ||
| ٹوٹ جائے دل نہ فریاد شکست ساز سے | ||
| یہ فضا معمورہے ہر دم نوائے راز سے | ||
| | ||
| جب میں ہوجاتا ہوں غافل بزمِ سوزوسازسے | ||
| جاگ اٹھتا ہے مرادل غیب کی آواز سے | ||
| | ||
| خاک کے ذرّوں سے کمتر جانتا ہوں خودکومیں | ||
| اب یہ حالت ہے مری ذوقِ فلک پرواز سے | ||
| | ||
| باغمیں اڑتے ہوئے دیکھی ہے خاکِ عندلیب | ||
| خوب واقف ہوں فریبِ حسرتِ پرواز سے | ||
| | ||
| تیرے صدقے تیرے قرباں اے نگاہِ منفعل | ||
| کردیا آگاہ تو نے معصیت کے راز سے | ||
| | ||
| دل میں جبتک درد کا احساس ہے زندہ ہونمیں | ||
| ہے مگر آغاز ہستی درد کے آغاز سے | ||
| | ||
| کسکو اب محرم بنائوں کسکو سمجھوں رازداں یوں تو سب معلوم ہوتے ہیں مجھے ہمراز سے | ||
| | ||
| میں جہاں پرواز کرتا ہوں، وہاں *گردوں نہیں | ||
| پست عالم کی فضائیں ہیں مری پرواز سے | ||
| | ||
| میں دھواں بنکر بساطِ حسن پر چھاجائونگا | ||
| آشنا ہوجائونگا جب دلکے سوزوساز سے | ||
| | ||
| ابتدا صبح ازل ہے انتہا شامِ ابد | ||
| لو حدِ انجام ملتی ہے حدِ آغاز سے | ||
| | ||
| نوعِ انساں سے ہے تکمیل ظہورِ لم یزل | ||
| یہ ملا اعزاز اسکو عقل کی پرواز سے | ||
| | ||
| خاک میں ملکر ہوا حاصل یہ اعزازِ کمال | ||
| ہورہا ہوں آشنا میں فطرتِ پرواز سے | ||
| | ||
| کرتے دنیائے وفا تعمیر ہر ذرہ میں ہم | ||
| ہوگئے بے بس مگر، وضع زمانہ ساز سے | ||
| | ||
| ٹوٹتے ہی دل ہوا خاموش سازِ کائنات | ||
| آشنا میں ہورہا ہوں اب نوائے راز سے | ||
| | ||
| اشک خونی نے نشاں بربادیء دل کا دیا | ||
| ملگیا ہمکو پتہ، انجام کا، آغاز سے | ||
| | ||
| چشمِ اشک آلود کہتی ہےیہ دلسے ہمنفس | ||
| جو عیاں ہے منظرِ ہستی کے ہرانداز سے | ||
| | ||
| ہوکے میں بے ساز بھی ہوں سازگارِ کائنات | ||
| تم نہیں آگاہ جذبات دلِ ناساز سے | ||
| | ||
| مل رہا ہے ہستیء دل کے تغیّر کا پتہ | ||
| عشقِ غم انجام سے حسنِ وفا آغاز سے | ||
| | ||
| اے فریبِ نفس تو للہ مجھ پررحم کر | ||
| میں ہوں بالاتر کہیں! دنیائے حرص و *آز سے | ||
| | ||
| گو مصور ہم علوِ شعر کے قابل نہیں | ||
| اڑتے ہیں اپنی ہوا میں، اپنی ہی پروازسے | ||
| آسان اردو - جستجو میڈیا آز= آزمند، لالچی پیارے قارئین۔ سلام جیسا کہ آپ ملاحظہ کررہے ہیں، اس ویب بک میں کلام کی اشاعت اردو یونی کوڈ فارمیٹ میں کی جارہی ہے۔ تاہم کاغذی ورژن، انشااللہ، نستعلیق رسم الخط میں شائع کیا جائیگا۔ اس غزل کے ایک تجرباتی نستعلیق نسخہ کیلیے یہاں کلک کیجیے۔ |
