کیے ہوئے

کرتا ہوں میں مشاہدہ ظلمتِ جہاں

شمعِ حیات دل میں فروزاں کیے ہوئے

کیے ہوئے

ذرّوں کو آج دیدہء حیراں کیے ہوئے

ہم زارِ دل کرینگے، نمایاں کیے ہوئے

دل نظر یاس و حسرت و حرماں کئے ہوئے

رازِ نشاطِ غم ہوں نمایاں کیے ہوئے

اب پھر کے جارہی ہے، کہاں نگاہِ حسن

اکِ دل کو رشکِ مہردرخشاں کیے ہوئے

کرتا رہا نگاہ، محالات دہر پر

میں ہرنظر کو حاصلِ امکاں کیے ہوئے

جو دیکھتے ہیں کر نہیں سکتے بیان ہم

آنکھونمیں دل کا نور نمایاں کیے ہوئے

اترا ہر ایک ذرہ سے رنگِ فریب حسن

دیکھا تجھے نگاہ میں پنہاں کیے ہوئے

ہم ہورہے ہیں باعثِ جمعیت جہاں

اپنے ہی دل کو آپ پریشاں کئے ہوئے

اسمیں ضرور تیری مشیت کو دخل ہے

تیرِ نظر ہے فصد رگِ جاں کیے ہوئے

کرتا ہوں میں مشاہدہ ظلمتِ جہاں

شمعِ حیات دل میں فروزاں کیے ہوئے

توسیع کررہا ہوں میں بزم شہود کی

دلمیں خیالِ تنگئ زنداں کیے ہوئے

رہتاہوں محوِ خندہء گلہائے آرزو

اپنے ہی دل کو رشکِ گلستاں کیےہوئے

رکھتا ہوں آرزو میں سکونِ دوام کی

دلکو رہینِ گردشِ دوراں کیے ہوئے

مدنظر ہے کیا تجھے، اے چشمِ التفات

آنکھوں میں خونِ دل ہوں نمایاں کیے ہوئے

ہرچیز آرہی ہے نظر مجھ کو بے نقاب

اک جلوہء فریبِ نمایاں کیے ہوئے

اوراقِ گل پہ دیکھ کبھی تو مآلِ گل

دلکو نثارِ خوبیء عنواں کیے ہوئے

مدت ہوئی کہ ہم تری کرتے ہیں پرورش

اے درد تجھکو قلب کا درماں کیے ہوئے

ہاں ہاں سنائو آج مصور نوائے غم

ظاہر جہاں پہ تلخیء دوراں کیے ہوئے

اس شاعری کے نستعلیق رسم الخط ورژن کے لیے یہاں کلک کریں