Justuju Tv جستجو ٹی وی


The All New Justuju Web TV Channel

کلام و کائنات مصور: مخزن غزلیات میں خوش آمدید

Saturday, March 14, 2009

کہاں کہاں


معلوم ہی نہیں ہے کچھ اے عزم سرمدی
لیجائے ہمکو وسعت کون ومکاں کہاں


کہاں کہاں

یہ عقل اور فلسفہء جسم و جاں کہاں
یا رب کہاں میں، حاصل کون ومکاں کہاں

اہل ہوس کو ذوق غم دوجہاں کہاں
ہم چھیڑ بیٹھے تذکرہء رفتگاں کہاں

ہنسنا ہی گل کا گریہ شبنم پہ قہر ہے
ہم جسمیں شادماں رہیں وہ گلستاں کہاں

روشن جو بزم جاں میں نہو شمع دلفروز
پھر یہ فروغ محفل کون و مکاں کہاں

ہوں میں تو سجدہ ریز مگریہ خیال ہے
میرا سرِ نیاز ترا آستاں کہاں

میں ممکن و محال کی حد سے گزرگیا
اب اضطراب مرحلہء امتحاں کہاں

رہنے کو بے نیاز فنا و بقا ہیں
لیکن کمندِ شوق سے ہمکو اماں کہاں

یہ رازِ کائنات کے ذرّوں سے پوچھئے
ان نا رسائیوں پہ رسا ہوں کہاں کہاں

معلوم ہی نہیں ہے کچھ اے عزم سرمدی
لیجائے ہمکو وسعت کون ومکاں کہاں

یہ رہروانِ راہ وفا کے ہیں حوصلے
منزل کہاں ہے گرد کہاں، کارواں کہاں

رنگینیاں تمام ہوئیں درخورِ شباب
اب داستانِ حسرتِ دل خونچکاں کہاں

آنسو رواں ہیں چشمِ تجسس سے خودبخود
ایدل خبر نہیں کہ لٹا کارواں کہاں

کیا کم ہجوم یاس کی ہیں اب نوازشیں
اے آس لیچلی مجھے دامن کشاں کہاں

آتا ہے یاد پھر دل صد حسرت آفریں
اب موسم بہار میں لطفِ خزاں کہاں

میں انتہائے شوق میں دنیا سے کھوگیا
اب امتیاز منزلِ سودوزیاں کہاں

ہے انتہا جمود تو اے ناخدائے خلق
ٹھہرے ہماری کشتیء عمررواں کہاں

میں کامیابِ عزم وہ ناکام انقلاب
میرا یقیں کہاں ہے جہاں کا گماں کہاں

کوئی یہ بے نیاز تعین سے پوچھ دے
تجھکو کرے تلاش کوئی بے نشاں کہاں

شمع امّید بجھتے ہی اے شام بیکسی
گلشن میں وہ صبا کی سبک خیزیاں کہاں

وجہ نشاط غم کے سوا اور کچھ نہیں
لیکن کرے تلاش غمِ جاوداں کہاں

اے مدوجزرِ بحر فنا دل جو مٹگیا
پھر تو کہاں  تلاطم سودِ زیاں کہاں

مژدہ ہو بیکسی کا مری موت کو نوید
 پھر دلنوازیء نگہ جافشاں کہاں

میں دیکھتا ہوں منظرعالم کو پرسکوت
اپنا پھر اس جہانمیں جدا آستاں کہاں

نیرنگیاں چمن کی نہ کیا گل کھلائیں گی
باقی رہا جو باغ تو پھرآشیاں کہاں

بربادیءچمن کا بھی سنتا ہوں ماجرا
پھر یہ بھی سوچتاہوں مراآشیاں کہاں

دم بھرملاقرار ہمیں دورِ چرخ سے
توبنگئی زمینِ وطن آسماں کہاں

اپنے وجود پر ہے دلیل اُسکی جستجو
وہ ملگیا ہمیں تو پھر اپنا نشاں کہاں

اپنے وجود پر ہے دلیل اُسکی جستجو)
(سننے کے بعد منزلتِ داستاں کہاں

حسنِ ازل کی شرح مصور نکر خموش
جانِ ادب یہ جراء ت حسن و بیاں کہاں

آسان اردو - جستجو میڈیا

دَرخور [دَر + خور (و مجہول)] (فارسی) صفت  ذاتی 
  لائق، قابل
HomePage ہوم پیج

No comments:

Design & Content Managers

Design & Content Managers
Click for More Justuju Projects