عروجِ ہستی

جہاں میں ہیں جنھیں حاصل عروج ہستی کے

بشر وہ خاک میں آخر ملائے جاتے ہیں

عروجِ ہستی

زمانے گزرے ہوئے یاد آئے جاتے ہیں

یہ ہر نفس مرے دم پر بنائے جاتے ہیں

شریکِ درد جہاں کو بنائے جاتے ہیں

کہ بیکسی کے فسانے سنائے جاتے ہیں

لحد پہ اشک ندامت بہائے جاتے ہیں

نشان اہل وفا یوں مٹائے جاتے ہیں

ستم کے پردے میں وہ آزمائے جاتے ہیں

وہ خوش نصیب ہیں جو دل ستائے جاتے ہیں

جو رنج و غم نئے ہوتے ہیں چرخ سے نازل

وہ غمکدے میں ہمارے سمائے جاتے ہیں

ستم ظریفیء بادبہار تو دیکھو

ستم کے روز نئے گُل کھلائے جاتے ہیں

جو پھول کھلتے نظر آتے ہیں گلستانمیں

وہ دلکو زخم کی صورت رلائے جاتے ہیں

ہنسی نہ سجمھو اسے، ہے یہ حاصل عبرت

خود اپنے حال پہ آنسو بہائے جاتے ہیں

نفس نفس ہمیں دیتا ہے گو پیام اجل

مگر امّید کی دنیا بسائے جاتے ہیں

مٹانے والے مرے دلسے داغ حسرت کے

یہ نقش ابھرتے ہیں جتنے مٹائے جاتے ہیں

مجھے ملال نہیں میں ہوں مٹنے والونمیں

وہ خوش ہوں جو مری ہستی مٹائے جاتے ہیں

فلک کی گردشیں کرتی ہیں ظلم در پردہ

نگاہ لطف سے ہم آزمائے جاتے ہیں

جہاں میں ہیں جنھیں حاصل عروج ہستی کے

بشر وہ خاک میں آخر ملائے جاتے ہیں

وہ غم نصیب ازل ہم ہیں دیدہءپرنم

مثالِ حسرت غمگیں مٹائے جاتے ہیں

یہ سلسلہ تو نہ تا حشر قطع ہو یارب

بس اک امید پہ آنسو بہائے جاتے ہیں

مآل حسرت دنیا سے کیا نہیں واقف

عبث جہاں سے ہم دل لگائے جاتے ہیں

الہٰی ہم بھی ہیں دنیا میں کیا کسی قابل

بس ایک عمر ہوئی آزمائے جاتے ہیں

مصور اس شہر خوباں کی خاک پا کیلئے

ہم اپنا بخت رسا آزمائے جاتے ہیں

HomePage ہوم پیج

http://mosawwerhomepage.blogspot.com/