روح با حجاب

عقل و دانش کے حجابوں ہی میں پوشیدہ رہی

روح   آنکھوں  کو   نظر  آئی  نہ عریا ں    آ ج   تک

روح با حجاب

مٹگیا دل سے مرے احساسِ ہستی مٹگیا

یاد ہے تو منظر گورِ غریباں آج تک

موت بھی کرتی رہی اپنی نگہبانی مدام

کوئی درپردہ رہا اپنا نگہباں آجتک

تری ہی تسبیح میرے ساتھ وہ کرتے رہے

ماہِ تاباں آجتک مہردرخشاں آجتک

میں نے دست عجز سے کانٹے چنے تھے ایکدن

دیکھتی ہیں اسکو آنکھیں گل بداماں آجتک

اہل باطل نقشِ باطل کیطرح مٹتے رہے

اہل حق ہوتے رہے مٹکر نمایاں آجتک

لہر اک ہلکی سی مایوسی کی، رخ پر چھاگئی

ہم جہاں کہنے گئے حالِ پریشاں آجتک

پائے استغنا سےاہل فقر ٹھکراتے رہے

تاجِ سلطاں آجتک اورنگِ سلطاں آجتک

اے محالاتِ جہاں کیا اور بھی ہے مرحلہ

دلمیں باقی ہے مرے احساسِ امکاں آجتک

رنگ ایک آتا رہا اسپر تو اک جاتا رہا

یوں نکھرتا ہی رہا رنگِ گلستاں آجتک

ہاں بجھادیکھیں اسے جھونکے ہوائے کفرکے

جل رہی ہے میرے دلمیں شمع ءایماں آجتک

ہائے اس اشکِ ندامت کی میں قسمت کیا کہوں

جو رہا ہوزینتِ دامانِ عصیاں آجتک

کون کہہ سکتاہے میری زیست کا انجام کون؟

کس نے دیکھا ہے مری قسمت کا عنواں آجتک

نقش ابھرتے ہی رہے مٹ مٹ کے اپنی قبر کے

لوحِ عالم پر رہےہم یوں نمایاں آجتک

عقل ودانش کے حجابوں ہی میں پوشیدہ رہی

روح آنکھوں کو نظرآئی نہ عریاں آجتک

لومصوّر پھر زباں پر آگیا نامِ امیر؟

جورہا ہے زینتِ بزم سخنداں آجتک

آسان اردو: از جستجو میڈیا

اَورَنْگ [اَو (و لین) + رَنْگ (ن غنہ)] (فارسی)

اسم  نکرہ 

   تخت، تخت شاہی

HomePage ہوم پیج

http://mosawwerhomepage.blogspot.com/