ہمارے چاہنے پرتم خفا نہ ہو دیکھو |
اٹھا کے آئینہ دیکھو، تمہیں بھِی پیارآئے |
| | ||
| آئینہ | ||
| | ||
| ہماری قبر پہ کوئی نہ اشکبار آئے | ||
| کبھی نہ روتے ادھر، ابرِ نو بہار آئے | ||
| | ||
| یہ فرطِ شوق ہے، ہر دم پیامِ یار آئے | ||
| کہ باربار کوئی جائے، باربارآئے | ||
| | ||
| سرِ مزار وہ اسطرح شرمسارآئے | ||
| جوکوئی دیکھے توسمجھے وفاشعارآئے | ||
| | ||
| بسِ فنا بھی یہاں بنکے وہ غبار آئے | ||
| کہ خاک ہوکے ترے در پہ خاکسارآئے | ||
| | ||
| نظر جو شاخوں پہ گل ہمکو دلفگارآئے | ||
| کہا یہ دل نے تڑپ کر، نہ یوں بہارآئے | ||
| | ||
| جو نالےدل سے مرے اضطراب میں نکلے | ||
| نظامِ عالم ہستی کو وہ سنوار آئے | ||
| | ||
| نمام بھول گئے جورِ کشتگانِ وفا | ||
| وہ اس ادا سے سرِقبر، شرمسارآئے | ||
| | ||
| ہجوم اشک میں مضمر ہے کاروانِ نشاط | ||
| خزاں رسیدہ چمن میں کہیں بہارآئے | ||
| | ||
| ترے تڑپنے سے قائم نظامِ ہستی ہے | ||
| کبھی نہ اے دلِ مضطر، تجھےقرارآئے | ||
| | ||
| متاعِ ہستیءدل خاک میں ملی آخر | ||
| جب انقلاب زمانہ میں بے شمارآئے | ||
| | ||
| ہستی پہ گل کی رہے یاد گریہءشبنم | ||
| خزاں کے روپ میں گر، موسمِ بہارآئے | ||
| | ||
| ہم اپنی گردشِ قسمت بھی تیری نظرکریں | ||
| جو تجھکو گنبدِگردوں، کبھی قرارآئے | ||
| | ||
| یہ جانتے ہیں کہ تیری رضا کے بندے ہیں | ||
| نہ جبرآئے، نہ کچھ ہمکو اختیارآئے | ||
| | ||
| بہار کی جو تمنّا کریں، خزاں ہونصیب | ||
| خزاں کی ہم جوتمنّا کریں بہارآئے | ||
| | ||
| کہیگی پھولوں سے شبنم تو ماجرائے فنا | ||
| اگرچہ خاطرِ نازک پہ انکی بارآئے | ||
| | ||
| یہ سحرِ حسن ہے، یا ہے کرشمہ ء الفت | ||
| وہ جھوٹ بھی کہیں اور دل کو اعتبارآئے | ||
| | ||
| جس انجمن میں گئے، سربلندہوکے رہے | ||
| نہ بے وقارگئےہم، نہ بے وقارآئے | ||
| | ||
| جو قبر میں ہوئے دفن ہمسے ہجرنصیب | ||
| عجب نہیں ہے وہاں بھی اگر*فشارآئے | ||
| | ||
| ممانعت نہیں، محفل میں آنے والوں کو | ||
| یہ حکم ہے، نہ یہاں کوئی بیقرارآئے | ||
| | ||
| نموداسکی فنا کاسبب ہے، اسکے لیے | ||
| کہو نہ سنگ سے باہر کبھی شرارآئے | ||
| | ||
| صلاحیت بھی تھی،انساں کے جسمِ خاکی مِں | ||
| جب اسکے قبضہ میں عالم کے اختیارآئے | ||
| | ||
| ہوسیلِ یاس کے طوفاں سے کیاخطر اسکو | ||
| جو اپنی کشتی ء امید پاراتارآئے | ||
| | ||
| جہاں میں خاک نشینی ہے، اپنی وجہء عروج | ||
| جوخاکسارہوئے، بنکے تاجدارآئے | ||
| | ||
| ہم آئینہ کیطرح دلکو صاف رکھتے ہیں | ||
| ملادیں خاک میںاسکو!اگر غبارآئے | ||
| | ||
| تمہارے نام پہ مرنےمیں اِک لذّت ہے | ||
| اجل ہماری اسیطرح، باربارآئے | ||
| | ||
| ہمارے چاہنے پرتم خفا نہو دیکھو | ||
| آٹھا کے آئینہ دیکھو، تمہیں بھِی پیارآئے | ||
| | ||
| ہوں خاکسار بھِی ہم، اور سربلند بھی ہم | ||
| فلک کیطرح اگر ہمکو انکسارآئے | ||
| | ||
| نہ ایک رنگ پہ اپنی کبھی یہاں بسرہوگی | ||
| کبھی خزاں تو چمن میں کبھی بہارآئے | ||
| | ||
| کچھ اسکو پاسِ دلِ عندلیب زار رہے | ||
| چمن میں آئے جوشبنم تو اشکبارآئے | ||
| | ||
| بنیگی خاک لحد اپنی یادگارِ وفا | ||
| جو زندگی میں نہ آئے، سرِمزارآئے | ||
| | ||
| رہے جو سیرِ چمن وقف دیدہء عبرت | ||
| رہے کسی کو نہ حسرت کہ پھربہارآئے | ||
| | ||
| ہرایک اشک سے ظاہر ہے، انفعالِ ستم | ||
| وہ آج قبرِ مصوّر پہ اشکبار آئے | ||
| |
No comments:
Post a Comment