ہمّت سائل

اور سب کچھ مانگتا ہے تجھ سے تجھکوچھوڑکر

تجھ سے تجھکومانگ لے یہ ہمّتِ سائل نہیں

ہمّت سائل

میری ہستی کب رہینِ سعیء لاحاصل نہیں

جادہء ملکِ عدم بھی جادہء منزل نہیں

اک نظر سوئے زمیں اے محوِ بامِ ارتقاء

سیکڑوں منزل نشانِ رہروِ منزل نہیں

کچھ زمانہِ کے حوادث ہونگے شامل ہمنفس

نالہء دل اسقدر برہم زنِ محفل نہیں

اور سب کچھ مانگتا ہے تجھ سے تجھکوچھوڑکر

تجھ سے تجھکومانگ لے یہ ہمّتِ سائل نہیں

اسقدر وارفتگی نے کردیا تھا دل اداس

ہائے منزل کو بھی ہم سمجھے کہ یہ منزل نہیں

ہے مُسرّت عارضی اے واردِ ملکِ فنا

کچھ سواناکامیوں کے عمرکاحاصل نہیں

اف خماربزمِ ہستی ہائے سعیء انبساط

وہ حقیقت میں یہاں غافل ہے جو غافل نہیں

اے بہارِ باغِ دنیا اے نشاطِ کائنات

میں ترے قابل نہیں یا تومرے قابل نہیں

جانکر خودہائے ناکامی سے ہوتاہوں دوچار

آگہی میری حریف سعیء لاحاصل نہیں

کشتی امید ہے پابند گرداب فنا

اب ہجوم یاس میں منّت کشِ ساحل نہیں

میرے دم سے ہے وجود حسن کاوشہائے غیر

میں نہیں تو ہمنفس ہنگامہء محفل نہیں

آشناجب تک نہ تھےتجھ سے تو یہ کہتے تھے ہم

ہائے مرگ بیکسی کچھ عمر کا حاصل نہیں

پوچھ لو خاکسترِ پرواز سے ہستی کا راز

شمع کی افسردگی اب درخورِ محفل نہیں

ہائے بزم شعر سے احساس فن بھی مٹ چکا

اب مصور امتیاز ناقص وکامل نہیں

ہومر، ٹینیسن، و ملٹن کو پہونچا ہم سے فیض

حق بجانب ہے مصور، دعوے باطل نہیں

HomePage ہوم پیج

http://mosawwerhomepage.blogspot.com/