خاک رہ گزر

یہ معرکہ ہے محبّت کا مرد افگن عشق

یہ سر بھی بارگراں ہے، اگر یہ سر نہوا

خاک رہ گزر

ہوائے یاس کا مجھ پر کوئی اثر نہ ہوا

کہ میں حریفِ چراغ دم سحر نہ ہوا

کب انقلاب زمانہ ہمیں پُرخطر نہ ہوا

مگر زمانہ اِدھرسے کبھی اُدھرنہوا

یہی ہے خوب کہ تو خاک ہوکے مٹجائے

مثال سرمہ اگر مردم نظر نہوا

کسیکی شانِ تغافل کے ہوگیا صدقے

وہ نالہءآہ جوشرمندہ ء اثرنہوا

تمام عمر رہا شغل گریہء پیہم

کبھی میں سیل حوادث سے بیخبرنہوا

ملاہوں خاک میں بھی خاطرِعدو کے لیے

میں خاکسار غبارِ دل بشرنہوا

مریضِ غم کومضر، اب ہواکے جھونکے ہیں

مثال شمع ہوا، یہ دم سحر نہوا

اجل ہے میرے لئے ہرنفس خیالِ اجل

کہ چند سانس پہ جینا بھی منحصرنہوا

وہ یاد آگئے ایّام ابتدائے شباب

پیام مرگ ہوا، خندہ ء سحرنہوا

یہ معرکہ ہے محبّت کا مرد افگن عشق

یہ سر بھی بارگراں ہے، اگر یہ سر نہوا

مصوّر آنکھوں میں دیتے جگہ تجھے احباب

ہزار حیف کہ تو خاکِ رہگزر نہوا

Home Page ہوم پیج

http://justuju-mosawwer.blogspot.com/