حقیقتیں بھی کھُلیں ہمپہ چشمِ بینا کی |
کہ خود حجاب کا اُٹھنا، حجاب ہوجائے |
| حجاب | ||
| ہر ایک ذرہ وہیں پُرشباب ہوجائے | ||
| اگر جہاں سے مجھے اجتناب ہوجائے | ||
| | ||
| کفیل یوں کرم بے حساب ہوجائے | ||
| کہ عاصیوں میں کوئی انتخاب ہوجائے | ||
| | ||
| حقیقت اسکی اگر بے نقاب ہوجائے | ||
| یہ ذرہ غیرتِ صد آفتاب ہوجائے | ||
| | ||
| رضا میں اسکی جو دل کامیاب ہوجائے | ||
| زمیں پہ عرشِ بریں کا جواب ہوجائے | ||
| | ||
| غرورِ فتح سے بہتر ہے عجزِ ناکامی | ||
| کہیں دعا نہ مری مستجاب ہوجائے | ||
| | ||
| ہم اسکو جان بھی دیکر خریدلیں ایدل | ||
| وفا کہیں سے اگر دستیاب ہوجائے | ||
| | ||
| میں ڈر رہا ہوں کہ مضمر ہے اسمیں ناکامی | ||
| زمانے میں نہ کوئی کامیا ب ہوجائے | ||
| | ||
| یہ کائنات ہو جسکے لئے پیامِ حیات | ||
| وہی نظیر بقائے حباب ہوجائے | ||
| | ||
| فریب ہمکو نہ دیتی رہے جو موجِ امید | ||
| یہ بحر زیست بھی دم میں سراب ہوجائے | ||
| | ||
| پکارتی ہے سرِ حشر رحمتِ باری | ||
| گناہگار یہاں باریاب ہوجائے | ||
| | ||
| یہ* اقتضا ہے محبت کا اے خرابِ وفا | ||
| سکونِ دل سببِ اضطراب ہوجائے | ||
| | ||
| اگر وہ نورِ حقیقت یہاں ہو جلوہ نما | ||
| مری نگاہ خود اسکا حجاب ہوجائے | ||
| | ||
| جو انتہائے تمنّائے مرگ میں گذرے | ||
| نفس وہ حاصلِ صدانقلاب ہوجائے | ||
| | ||
| کسکیو چشمِ حقیقت میں گرسمانا ہے | ||
| ذلیل وخوار تباہ و خراب ہوجائے | ||
حقیقتیں بھی کھلیں ہمپہ چشمِ بینا کی | ||
| کہ خود حجاب کا اُٹھنا، حجاب ہوجائے | ||
| ||
| نفس نفس پہ مصور رہے خیال اُسکا | ||
| قدم قدم پہ مگر احتساب ہوجائے |
No comments:
Post a Comment