نیک و بد

یہ دنیا ہے یہاں ہے امتیازِ نیک وبد لازم

یہی دوزخ نشاں بھی ہے، یہی فردوس منظر بھی

نیک و بد

کچھ افسردہ کلیاں بھی شگفتہ کچھ گل تر بھی

مسرت کا ہے نقشہ بھی چمن میں غم کا منظربھی

براتم کہہ رہے ہو مجھ میں نیکی کا ہے جوہر بھی

میں ہوں بدترسے بدتر بھی، میں ہوں بہترسے بہتر بھی

یہ دنیا ہے یہاں ہے امتیازِ نیک وبد لازم

یہی دوزخ نشاں بھی ہے، یہی فردوس منظر بھی

ہوائیں اس گلشن ہستی کی مجکو راس کیا آتیں

ہوئی وجہ فنا آخر نسیمِ روح پرور بھی

خدا کو یاد کر موجِ حوادث سے نہ ڈر ہرگز

اُسی پر چھوڑدے اے ناخدا کشتی کا لنگر بھی

قفس میں عندلیبِ زار اُڑ جتنا اڑا جائے

نہ کھو بیٹھے کہیں تو حسرتِ پرواز میں پر بھِی

ہر ایِک لغزش پہ دلکی خون کے آنسو بہائینگے

نہ پائینگے کبھی زیرِ لحد آرام مرکر بھی

بتوں کا ذکر بھی ہے، آجکل کچھ اہلِ کعبہ میں

زبانِ کفر پر ہے نعرہء اللہ اکبر بھی

ابھی اسکو نئے سُر سے تڑپنے کی تمنّا ہے

کبھی خواہاں ہے تسکیں کا، تھا ہمارا قلبِ مضطربھی

ابھی محوِ انانیت، ابھی اقبالِ پستی ہے

عجب شے اس جہاں میں ہے، مگر انسانِ خودسربھِی

کمال ارتقائے نفسِ انساں بھی عجب شے ہے

کہ ہے اکِ بندہء عاجز بھی اک دنیا کا سروربھی

اٹھالیں ہنسکے، ساری سختیاں آلامِ دنیا کی

نہ بھولونگا کبھی دلداریء چشمِ فسونگربھی

ذرا انصاف کرنا، اے علو عقلِ انساں بھی

کوئی ہے اسکا ثانی بھی، کوئی ہے اُسکا ہمسر بھی

امیر ملک معنی اے مصور یاد آتے ہیں

وہی روحِ ادب بھی تھے، وہی جانِ سخنوربھی HomePage ہوم پیج مخزن غزلیات: سرورق