چاہیے

پئے دید اے محوِ راہِ حجاز

نگاہِ حقیقت نِگَر چاہیے

چاہیئے

رہِ عشق میں یوں گزر چاہیے

بجائے قدم، چشمِ تر چاہیے

جنوں عشق کا عمر بھر چاہیے

یہ دل چاہیے یہ جگر چاہیے

نہ دل کی ضرورت نہ سر چاہیے

تیرا آستاں تیرا در چاہیے

جہانمیں کوئی چیز اگرچاہیے

تو یا رب دعا میں اثر چاہیے

نگاہوں میں انکی ہے نیرنگِ دوست

کچھ احساسِ اہل نظر چاہیے

سنانے کو رودادِ غم عندلیب

کوئی مجھ سا بے بال و پر چاہیے

نہ مٹ جائے احساسِ عفووکرم

گناہونسے ربط اسقدر چاہیے

تجھے عازمِ منزلِ سرمدی

نہ کچھ خوفِ راہِ خطر چاہیے

سہارا ہے رحمت کا اُسکی بہت

نہ کچھ ہمکو زادِ سفر چاہیے

گلی وہ تری ہو کہ راہِ عدم

مسافر کو اک رہگزر چاہیے

نہ دیکھو زمانے کی نیرنگیاں

انھیں دیکھنے کو نظر چاہیے

نہ جانے پیام اجل آئے کب

کہ ہر وقت عزمِ سفر چاہیے

کبھی دردِ دل کی ہمیں آرزو

کبھی ہمکو دردِ جگر چاہیے

یہ مانا یہی آستاں ہے ترا

مگر اسکے قابل تو سر چاہیے

پئے دید اے محوِ راہِ حجاز

نگاہِ حقیقت نِگَر چاہیے

جو دنیا کی نعمت سے محروم ہے

فقط اُسکو تیری نظر چاہیے

کم از کم ترا عاشقِ تلخ کلام

زمانہ سے تو بیخبر چاہیے

اگر انکو دیکھیں تو دیکھا کریں

کہ اتنا تو ذوقِ نظر چاہیے

ہوا خود فراموش جسکے لیے

کچھ اسکی خبر، بیخبر چاہیے

مٹادے زمانے سے قاروں کا نام

مگر اسقدر حب زر چاہیے

مصور کو نا اہل کیوں کہہ دیا

تمھیں قدر اہلِ ہنر چاہیے

آسان اردو-جستجو میڈیا

[حَقِیقَت نِگَر[حَقی + قَت + نِگَر

صفت  ذاتی صفت بیں۔