جان آرزو

پنہاں  کہاں نظر سے تو جانِ آرزو ہے

اُس  حسن جاوداں کی تصویر روبرو ہے

 

جان آرزو

اب ہر قدم پہ مجھکو شوق مقام *ہو ہے

یہ  کسکی آرزو ہے، یہ کسکی جستجو ہے

راہِ  طلب میں کوئی برباد جستجو ہے

پنہاں  کہاں نظر سے تو جانِ آرزو ہے

اُس  حسن جاوداں کی تصویر روبرو ہے

اب کامیاب ہستی، ناکام آرزو ہے

گلشن  میں سیر گل کی اب کسکو آرزو ہے

ہر خار کی زباں پر تفصیل رنگ و بو ہے

مثل غبار مجکو، کہ کسکی جستجو ہے

اب یاس میں بھی اے دل، تجدیدِ آرزو ہے

میں *ژرف بیں ہوں، مجکو خنجر کی آرزو ہے

وابستہ  ہاں اسی سے، میری رگِ گلو ہے

چھایا  ہوا جہاں پر اسوقت تو ہی تو ہے

تیری زباں پہ اے دل یہ کسکی گفتگو ہے

تیری طلب میں کوئی یوں، صرف جستجو ہے

اول بھی تو ہی تو ہے، آخر بھی تو ہی تو ہے

مٹکر رہِ طلب میں مٹنے کی آرزو ہے

اب یہ خاک میں ہماری، احساسِ جستجو ہے

صد رشک گلستاں ہے، * پژمردہ دل ہمارا

پہ ہے گل محبت اسمیں وفا کی بو ہے

ملتا  نہیں نشاں تک اب گرد کارواں کا

اپنی  بھی جستجو ہے، اسکی بھی جستجو ہے

رہنے دے تو مجھے تو، پامال نامرادی

ہاں ہاں اسی میں اے دل تکمیل آرزو ہے

ہاں پھونکدے مجھے تو، اے غیرت تجلی

راہِ  طلب میں مجھکو اب اپنی جستجو ہے

افسردہ ہوکے ایدل، سوئے چمن چلا ہوں

ہر گل کو آج شوقِ اظہار رنگ و بو ہے

یہ وسعتِ تخیل کافی نہیں مصور

دنیا  کو اب مسلم شاعر کی جستجو ہے

آسان اردو=جستجو میڈِیا

ہو = اللہ، ہونا*

پژمردہ = پَژْمُرْدَہ[پَژ + مُر + دَہ]-فارسی *

کملایا ہوا، مرجھایا ہوا؛ افسردہ، رنجیدہ۔

ژَرْف بِیں [ژَرْف + بِیں] (فارسی) صفت  ذاتی (  واحد

گہرائی تک دیکھنے والا، حقیقت شناس، باریک بیں۔