یہ حقیقت ہے بحرِ ہستی کی |
کچھ گمانِ سَراب ہوتا ہے |
سَراب بحرِ ہستی |
|
|
| ذرّہ جب بے نقاب ہوتا ہے |
| ہمسرِ آفتاب ہوتا ہے |
|
|
| دل میں کیوں اضطراب ہوتا ہے |
| کیا کوئی انقلاب ہوتا ہے |
|
|
| جب کوئی کامیاب ہوتا ہے |
| دل میں اکِ اضطراب ہوتا ہے |
|
|
| دیکھکر مدوجزر بحرِ فنا |
| دل شکستہ حباب ہوتا ہے |
|
|
| دلکی دنیا بدل گئی اے چرخ |
| ہائے کیا انقلاب ہوتا ہے |
|
|
| خاطرِ نفس کیلئے انساں |
| خود جہانمیں خراب ہوتا ہے |
|
|
| یاد کرلوں سکونِ رفتہ کو |
| آج پھر اضطراب ہوتا ہے |
|
|
| موت جو ہوتی ہے پاسباں اسکی |
| جب کوئی محوِ خواب ہوتا ہے |
|
|
| وقفہء دم دوں کہاں اے دل |
| ہر دم اک انقلاب ہوتا ہے |
|
|
| چشمِ ظاہر سے دیکھنے والو |
| نور ہی خود حجاب ہوتا ہے |
|
|
| خوار ہوتا ہے جو محبت میں |
| دل وہی کامیا ب ہوتا ہے |
|
|
| بادہء ظلم سے *نکر لبریز |
| ساغرِ دل خراب ہوتا ہے |
|
|
| نہیں ہرگز وہ رحم کے قابل |
| جسپہ تیرا عتاب ہوتا ہے |
|
|
| یہ حقیقت ہے بحرِ ہستی کی |
| کچھ گمانِ سَراب ہوتا ہے |
|
|
| آئینہ خانے میں یہ عکس اپنا |
| دیکھکر خود حجاب ہوتا ہے |
|
|
| کہتی ہے کرکے خم ہمیں پیری |
| یہ مآلِ شباب ہوتا ہے |
|
|
| ہوتی ہے اسکی تہ میں شانِ جلال |
| جب کوئی انقلاب ہوتا ہے |
|
|
| آنکھ کھلتی بھی ہے تو کب افسوس |
| سر پہ جب آفتاب ہوتا ہے |
|
|
| حالِ درد دل سنکے سب خموش ہیں کیوں |
| بات کا کچھ جواب ہوتا ہے |
|
|
| آئینہ ہوں میں صاف دل ہوکر |
| ذرہ یوں آفتاب ہوتا ہے |
|
|
| درد کی آرزو ہے اسکے عوض |
| یہ عجب انتخاب ہوتا ہے |
|
|
| شبِ غم اپنا نالہء تنہا |
| بیکسی کا جواب ہوتا ہے |
|
|
| دل سلامت رہے زمانہ میں |
| روز ایک انقلاب ہوتا ہے |
|
|
| دل جو ہوتا ہے اے امیدِ سکوں |
| پیکرِ اضطراب ہوتا ہے |
|
|
| شعر اب ہے وہی قابلِ تحسیں |
| سو میں جو انتخاب ہوتا ہے |
|
|
| آگیا دور اب مصور کا |
| نظم میں انقلاب ہوتا ہے |
| آسان اردو=جستجو میڈیا |
| نکر=نہ کر مآل=نتیجہ سَراب=دھوکہ، فریب آمیز پانی کا سماں |
|
No comments:
Post a Comment