دم میں ہوجائیگا تاراج نشاطِ غم بھی
دل ناکام ابھی خوش ہے کہ ارماں نکلا
نشاطِ غم
دل مرا کشتہ ء نیرنگی ء دوراں نکلا
تیر بھی سینہ سے ہمرنگ گلستاں نکلا
اپنے اجزائے پریشاں کا تھا احساس اسکو
عالم خاک سے گُل سر بگریباں نکلا
نکہت گُل ہوئی خود باعثِ بربادی ء گُل
شوق ہر رنگ رقیبِ سروساماں نکلا
قطرہ ء خوں میں ہے آباد جہانِ امّید
دل کے ہر گوشہ میں اک منظر پنہاں نکلا
تم محالات کے پردے تو اٹھاکر دیکھو
خود مرا عکس نظر عالم امکاں نکلا
دم میں ہوجائیگا تاراج نشاطِ غم بھی
دل ناکام ابھی خوش ہے کہ ارماں نکلا
اے مصوّر مرے انفاس میں تھی شکل احد
دل کی تصویر لیے جذبہ ء پنہاں نکلا
آسان اردو: از جستجو میڈیا
مَحالات [مَحا + لات] (عربی)
اسم نکرہ
جاگیریں، پرگنے، ضلعے۔
No comments:
Post a Comment